Campuran Panton Aceh

Alee top beulacan
beurangpu takheun male tan
alee top beulacan
yang male ureng jak sajan
aneuk dara jijak muteei
jilhat alee dicong seulimeng
jipot angen ka rhot alee
teukeujet asee jikap kameng
awai but dudoe pikee
teulah oh akhee keupu lom guna
awai jiduk ngen jitinggong
awai geulurong dudo geulaarang
bak bu bek tanyok bungong
bak inong bek tapegah rahsia
bak bu bek tajok bungong
bak ureng tunong tajok minyek ata
bak i laot pu taboh sira
bak cangguk pane gadeng bak kareng pane gapah
baranggapu buet ta meugure
bek tatiree han sampurna
baranggapu but tapike dile
oh ka malee keupu lom guna
bek kakap bakong hai lintah
ken dum ruman kah pajoh tuba
bek lage boh trung lam ji ee
bek lage asee teubai muka
Bu s i k a i , i s i k a i.
Ngob djantong gadoh akai.
bubee dua jab seureukab dua muka
keunoe pih toe keudeh pih rab
bandua pat meuteumee laba
bubee lam ie ie lam bubee
hana ta the cuco kana
but geulinco geulince
awai but dudo pike
but ka keumah keurija ka jadeh
but meu awe sabong
ubit uram rayek ujong
but walanca walance
awai but dudo pike
eleumee dua seumure uroe tikoh malam tupe
haba ta peuroh narit ta peukeuneng
dalam bak bungong ka jiduk naga
hana meukab beuna meukieb
hana yang le beuna yang dit
hana saket geutop ngen rincong
leubeh saket geu nging ngen ujong mata
…………………___……………………

Anuek tiyoeng atueh bk rambong,
di groeb2 lambong atueh rueng cendana,
ek sampe hate adx pue dua lon,
di likue mata lon gata jak dua?
…………………___……………………

Ban beungoh kata langkah gaki,
jakmita rseuki pat2 yg mudah,
bek tuwoe meudoa nibak Ilahi,
rahmat beuguebi sbe guelimpah.

Mita rasueki bek slah jalan,
sisat pkiran hncoe peu yg na,
mita rseuki bak jlan Tuhan,
mngat bek bmbang tanyoe bhgia..
…………………___……………………

Dilee aceh nyoe seuramoe meukah
Yg mat peurintah iskandar muda
Batas utimu nyan beusoe mirah
Ubarat leupah nyan kuta raja

Rakyat aceh dilee mandum pujoe ALLAH
Nangroe makmu rata rata hana susah
Tanyoeng bak droe paken jinoe kameu ubah
Mungken adat deungon hukom kaneukeubah

Yg raja teutep raja yg malem teutap malem
Yg gasin jeut keupapa yg kaya duk teukhem khem

Adat adat dum bak poe teumeureuhom
Hukom hukom dum bak syiahkuala
Rakyat seunang dum rata jeut gampong
Seubab hukom dile hana meutuka

Paken jinoe di geutanyoe kameu ubah
Atoe nangroe ban yg heut droe rakyat susah
kalen keudroe bandum meusoe meupat salah
Reuloh adat deungon hukom hansoe papah

Padahai jinoe takalen keudroe wahe rakan
Hasee nangroe jeutibit juta jutaan
Nyan tanda leubeh aceh neubi le tuhan
Peulhara beujroeh bekdatang musoh talawan

Yg raja teutap raja yg malem teutap malem
Yg gasin jeut keupapa yg kaya duk teukhem khem
yg raja lam negara yg kana but meulaen
Yg gasin tamah papa yg kaya lee yg zhalem

kuneng kuneng pade dalam blang..........tapi that sayang ka tuloe pajoh....umu ka tuha udep lam lajang...cukop that sayang judoe galom troh..ji pot angen cot uroe timang..peuek selayah ulanget 7..meubagoe cara ka ulon paban,,4 boh tunangan mandum kaputoeh..kilat gelante me rek2 awan..siat ouh leuh nyan ujen ka ditoeh..janji jeulame yoh awai 8...seminggu leuh nyan ka di ek 10...jitoh ujeun hana di pirang ...cukop that sayang ureung meulampoh..han ek lon pike ule ka mumang..bak ayah tuan payah meutanggoh..pane ne timoh sianeuk bayam..jareung ta siram baja tan taboeh..koen han meukawen umu ka matang..TAPI YUM MEUH SIMAYAM KA SIJUTA TUJOEH REUTOEH...
…………………___……………………

tajak kenoe tajak kedeh..
lepah that pedeh udep d donya..
kamoe neujaga bek neubi paleh..
bek roeh meupateh iblih celaka.
Bak geuleupak U cit na tapeh
talhuk lam keh peng pih hana
jak lam paya loen jak drop ileh
Tapubloe keudeh mangat na beulanja
Meunyoe kana beulanja lam keh
Adak ta
eh cukop meurasa

…………………___……………………

Gaji keu Teungku

Assalamu'alaikom warah matuhu
Saleum loen tuju keu rakan dum
Yang na di barat atawa di timu
Yang toe ngen pageu studio acara

Saleum loen peutrok keupada abu
Keupada tgk dan mandum syedara
Beusehat badan neubi lee TUHANKU
Sabee beu makmu raseuki gata

Bacut takisah jinoe keu Teungku
Hanasoe bantu nyang bri beulanja
Padahai gobnyan buet lagee guru
Umat geupayu jalan agama

Watee merdeka bak jameun dulu
Keu guru-guru gaji negara
Teutapi tuwo gaji keu Teungku
Leupah that lucu cit ade hana

Meunan meuthon-thon hudep di Teungku
Hana geubantu uleh negara
Teutapi tugaih geupubuet laju
Sabab di Teungku ikhlas lam dada

Kadang aneukmiet na bantu-bantu
Jiba boh labu peuneu-et poma
Kadang dalam blang bantu teumabu
Kadang bijeh u bantu jak pula

Uroe ngon malam lam buet di Teungku
Aneukmiet 'a'u di rumoh tangga
Peubeuet Aleuham nyang ladom Qulhu
Hanatom tunu hate geumbira

Hanya geuharap ubak Tuhanku
Rakyat beumakmu udep sijahtra
Akan hudep droe citna soe bantu
Sabab Tuhanku maha kuasa

Bak masa jinoe Aceh ka maju
Leupah meusyuhu na UUPA
Ngon otonomi meutabu-tabu
Patot keu Teungku jinoe takira

Ubak peumimpin geutanyoe bri su
Neukira Teungku bekle seungsara
Soe kira pruet droe ban uleue leumbu
Murka Tuhanku rijang binasa

Adak kon gaji honor keu Teungku
Lon kira laku beulanja cit na
Neupriek pat laen bagi keu Teungku
Asai seutuju cit kana cara

Bak DPRA ulon peutrok su
Bek carong rayu watee Pilkada
Bek cangklak babah jan toe Pemilu
Gaji keu Teungku tulong neukira

Alhamdulillah bandum seutuju
Ubak Tuhanku meunan ta do’a
Peumimpin Aceh bekna nyang tunu
Gaji keu Teungku cit hak ngon kada

Astaghfirullah lana wa lahu
Neubri Tuhanku Aceh beujaya
Nanggroe beudame rakyat beumakmu
Gaji keu Teungku beugeutem kira

Ret bineh blang padang tajak u ulee lheu
jalan utimue woe u aceh utara
Oh noe mumada haba loen kareu
Haba keu tgk uloen calitra

;;;;;-------;;;;;;;;
Di langet buleun di bumoe padee
Sideh dalam glee ureung meurusa
leupah that sayang aceh sitangke
rab abeh reulee sibungong keumang

Loen jak ulaot loen jak tik kawee
Seumilang awee jikab that raya
hai ureung aceh bek lee lam jahee
Takot sekali azeub bak tuhan

Loen pula kacang sideh ateuh glee
Loen tarek awee lam rimba raya
Peutimang nangroe adoe boh hate
Nama ta ukee unanggroe lua

Leupah that sayang bungong sitangkee
Luroh meurere angen peudoda
keubit aceh alamat reulee
Takalen bukti tan lee ulama

Loen jak ukota loen jak bloe kupi
Uloen bloe ruti kadeungen bada
Bek na lam hate neuk pubut keji
Rakyak jitaki rata sagoe ka

loen pula panjoe timoh bak ubi
teuka stunami tuhan bi bala
Kareuna maksit meutubi tubi
Pemimpin adee jinoe tanlee na

Salam'alaikum saleum uloen brie
keu bak waki yg na bak maya
Walaupih neuduk ateuh kurusi
Nyan ie stunami pasti trok teuka
…………………___……………………

Beuneung aneuh tacop siluweu
Tatampai layeu beuneung cop eumpang padee
Nyoe utang meuh ka'ek loen bayeu
Nyoe utang budi han'ek loen pikee

meunyoe pijet taboh bak sapai
Kateuntee gatai tatumeung rasa
Meunyoe sulet taboh keupangkai
Kateunte ganjai tacok keulaba

Meu'en cato bek bagah bagah
Nyoeroh boh 14 matee upunca
Tameututo bek leupah leupah
Peulhara lidah bek roh binasa

Meunyoe intan han'ek soe linteung
Adak lam leubeung jibeudoh cahya
Meunyoe get akhlak tameupeurangui
Manmandum ureung jipumulia
…………………___……………………

Nibak tanggai 4 buleun 12
Rata wilayah na upacara
Geuperingati uroenyan bagah
Uleh angkatan aceh mulia

27 thon geupeujuang
Uleh angkatan aceh sumatra
Baroe kalinyoe nyata loen pandang
Mandum angkatan kajiwoe sigra

Sideh di pusat di tiro teumpat
Keunan meusapat panglima tinggi
Tgk syafi'e(alm)panglima tinggi
Yg phon mulai buka acara

35 thon jinoe hai rakan
Yoh phon 76 peuget acara
Jinoe hanale bandum atranya
Seubab kadamee MOU teuka

Beuna ta ingat wahee ee rakan
Nyan tanggai 4 nyan beutameu doa
Taperingati wahee ee taulan
Walaupih hana peu'ek bendera

Tanyoe meulakee nibak ilahi
Aceh beu neubi aman seujaktra
Bekna lee karu ya ALLAH neubi
Hudep di kami beubahagia
…………………___……………………

Bulukat tumpoe pasoe lam tabsi, kuwèh jali-jali timphan asoe kaya, sinijuek dalam ön sipreuk bak gaki, seubagoe bukti lintö barö teuka, hiasan kama kalheuh meu isi, siap lemari ngen peuratah sofa, siprè pih kana merek yg asli, made in itali geubloe barosa, tapasang gorden talhat yg rapi, untuk menanti mlam pertama, brcumbu rayu brsama suami, gata hai adk beu siap siaga, ciuman mesra tak henti2, kecupan geubri untuk adinda, sehelai selimut brsama istri, penutup diri tanpa busana, indah a' mlam dua insani, peugot adèk bayi aduh enak a','?
…………………___……………………

MEUKAWEN

Bineh gle Tuhan lagak meuleupah..
Seolah2 bintang kejora..
Soal peuneuwo kaleuh geu peugah..
Ija saboh tah 4 kilo saka.....
Meunyo han sep peng bek gata gundah..
Nyopat na cara, hana lon peu utang cara lon peugah..
Seubab lon ngon kah ka lagee syedara........
Jeih pat na laot tapublo siblah....
Sumbangan ikhlas lonjok keu gata..
Menyo han sep nyan syedara meutuah..
Geureutee & seulawah tapublo ban 2..
Pokok jieh MEUKAWENNNNNN..
…………………___……………………

INONG GEUNTENG KEUIENG

jak u lampoh pet boh mulieng
peh keu umpieng buleun puasa
man saboh lungkiek gle kalheuh ulon ngieng
nyang geunteng keuieng ka lheuh long tanda
aneuk luk kutru ka matee baroe
dikuh uruk diseube le ma...
aneuk mit jinoe hana diteupeu droe
dimita lakoe sipak agama...
Tadingoe lagu meu alon-alon,
ie mata jitroen basah mieng dua,
lon harap gaseh bak si dara duson,
meu'ah disuot awai gop yg tnda...
…………………___……………………

Tapeugot tutue keu tmpat jeumeurang,tatanom cnta keu sboh hrapan,pkon jinoe gseh ka leukang,yg taidam gdoeh mndum hrapan,

kalon teupue hn sipadan,
pkon hai intan gseh tacuba,
neujok keu lon sboh hrapan,
bak tngoeh jlan neupeu ptoh cnta....
Urueng jak ublang sare meutukui,
urueng lam utuen sare cemeucah,
wahe rakan beusama tatukui,
bekna le kurueng mndum prntah Allah...
Tatroen ublang oh musem ujuen,
tacah utuen tapula lada,
tapileh cinta tasareung-sarueng,
bek slah urueng singoh kecwa...
Tajak ulaot nbak seupot mnggu,
hti teuh rndu keusidroe dara,
tkalon mta uroe lop lpah mcuhu,
dak juet jnoe laju ulon woe sgra...
…………………___……………………


Deungon Bismillah lon lake meuah
lon takot leupah na salah haba
Lon ulang haba rakan meutuah
saboh kisah nangroe mulia

Phon that teudong nangroe Peureulak
dudo meuhalak nanggroe Samudra
Lam ruweungnyan na nanggroe Pidie
bineh pasie na nanggroe Daya

Keurajeun Aceh teuka 'oh dudo
luah nanggro ube nyang ka
Teumpat sulotan Aceh lhe sagoe
tanoh Gayo di nanggroe antara

Siblah Timu na nanggroe Pidie 
Meuriti troh u Samalanga
Abeh Pase leumah Peureulak
kuasa meuhalak u Teuming teuma

Siblah Barat na nanggroe Teunom
teumpat geu tanom meuh ngon suasa
Abeh Meulaboh Na Kuala Batee
nanggroe ji the na Leube Dapha

Abeh Trumon na nanggro Singke
teumpat lahe Syiah Kuala
Meunan keuh rakan keurajeun Aceh
ji teupeu leubeh di selat Malaka

Dari Deli hingga Asahan
hana so lawan wahe syedara
Hansep Keudah meutamah pahang
nanggroe Minang Aceh Kuasa

Nyan hikayat masa jameun
masa keurajeun nanggroe mulia
Masa peumimpin na akai budo
masa nanggroe kong kaom ulama

Wate masa nyan na Alam Peudeung
mirah meulinteung si panyang ija
Bak teungoh alam na sikrak peudeung
nyang teugah linteung mara bahaya

Teuma jino Aceh ka ubiet
leuh keunong gapiet kaphe Beulanda
Jino Aceh gadoh keurajeun
kon lage jameun cukop kuasa

Jino Aceh kon payong panji
leuh jeut keu abdi Indonesia
Meunan keuh tamse rakan meutuah
bek salah langkah pasai bendera

Bendera Aceh cit Alam Peudeung
han so linteung di dalam dada
Bek gabuek tanyo ngon pasai lambang
buet nyan reumbang amai mulia

Peu guna lambang meung tan na aso
akai budo nyang sampurna
Bek bandum pike keu pasai lambang
han so peutimang ra'yat nyang papa

Lon lake aduen - adoe meutuah
beu jeut ta teugah awak KPA
meung na salah beu ta tem ta peugah
deungon hikmah budo bahasa

Meunan keuh tanda rakan meutuah
hana payah ta meu syedara
Bek sampo rakan jak salah langkah
rakyat susah hanjeut meu-mita

Haba keuneuleuh dari lon tuan
jak tanyo rakan simpan lam dada
ta simpan beukong nyang alam peudeung
keu alat linteung kaom durhaka
Deungon Bismillah lon lake meuah
lon takot leupah na salah haba
Lon ulang haba rakan meutuah
saboh kisah nangroe mulia

Phon that teudong nangroe Peureulak
dudo meuhalak nanggroe Samudra
Lam ruweungnyan na nanggroe Pidie
bineh pasie na nanggroe Daya

Keurajeun Aceh teuka 'oh dudo
luah nanggro ube nyang ka
Teumpat sulotan Aceh lhe sagoe
tanoh Gayo di nanggroe antara

Siblah Timu na nanggroe Pidie 
Meuriti troh u Samalanga
Abeh Pase leumah Peureulak
kuasa meuhalak u Teuming teuma

Siblah Barat na nanggroe Teunom
teumpat geu tanom meuh ngon suasa
Abeh Meulaboh Na Kuala Batee
nanggroe ji the na Leube Dapha

Abeh Trumon na nanggro Singke
teumpat lahe Syiah Kuala
Meunan keuh rakan keurajeun Aceh
ji teupeu leubeh di selat Malaka

Dari Deli hingga Asahan
hana so lawan wahe syedara
Hansep Keudah meutamah pahang
nanggroe Minang Aceh Kuasa

Nyan hikayat masa jameun
masa keurajeun nanggroe mulia
Masa peumimpin na akai budo
masa nanggroe kong kaom ulama

Wate masa nyan na Alam Peudeung
mirah meulinteung si panyang ija
Bak teungoh alam na sikrak peudeung
nyang teugah linteung mara bahaya

Teuma jino Aceh ka ubiet
leuh keunong gapiet kaphe Beulanda
Jino Aceh gadoh keurajeun
kon lage jameun cukop kuasa

Jino Aceh kon payong panji
leuh jeut keu abdi Indonesia
Meunan keuh tamse rakan meutuah
bek salah langkah pasai bendera

Bendera Aceh cit Alam Peudeung
han so linteung di dalam dada
Bek gabuek tanyo ngon pasai lambang
buet nyan reumbang amai mulia

Peu guna lambang meung tan na aso
akai budo nyang sampurna
Bek bandum pike keu pasai lambang
han so peutimang ra'yat nyang papa

Lon lake aduen - adoe meutuah
beu jeut ta teugah awak KPA
meung na salah beu ta tem ta peugah
deungon hikmah budo bahasa

Meunan keuh tanda rakan meutuah
hana payah ta meu syedara
Bek sampo rakan jak salah langkah
rakyat susah hanjeut meu-mita

Haba keuneuleuh dari lon tuan
jak tanyo rakan simpan lam dada
ta simpan beukong nyang alam peudeung
keu alat linteung kaom durhaka

…………………___……………………

rumoh sikula rata lampoh ue..
berdinding batu jendela kaca.
muda-mudi jinoe cukop that hayeu..
kameu keu-keu di maen cinta.

yoh masa jameun moden lam pageu..
bek na soe teupeu bak geuduk dua..
tp jinoe kamaen meu meukeu-keu..
hana lee peu-peu bak ayah ngon ma..

teuma ngon ladom cit ka setuju..
aneuk di bahue di likot honda..
hana geuhiroe larang tuhanku..
azeub lam kubu hana geunit na..
allahu allah allah tuhanku..
ulon nyoe satu peujioh bala..
pejinoh maksit nibat badan lon..
tuloeng neulindong dari but mungka..

…………………___……………………


Nanggro atjeh nyoe lon neuk kisah.
lam sejarah masa lampoe.
dile awai got that meugah.
lheh nyan leupah tan lee meuho..

Mula bak phon lam seujarah..
atjeh meugah nibak doNya..
di peureulak awai kisah..
islam meugah sinan mula..

Teuma lheh nyan islam meugah..
hai meutuwah lon calitra..
iskandar muda raja meugah..
mat peurintah pimpin bansa..

geumeuhukom ade leupah..
meunan salah hukom sigra..
hana meutheun bak meuhukom..
bathat kawom keuluarga..

bak meu hukom hana ilah..
tan peusiblah bah syedara..
aneuk gopnyan lam seujarah..
hai meutuwah droe neuhukom..

raja ade kubah kisah..
lam seujarah dum tapakoe..
iskandar muda raja gagah..
hai meutuwah peuthteun nanggro..

di beulanda peugot ulah..
d jajak jajah rata sagoe..
rakyat ubeut d peurintah..
macam ulah di peugot droe..

iskndar mudagagah leupah..
lagi ceudah pimpim nanggroe..
dum teutara geupeusapat..
kageupakat geumeusahoe..

dum ulama ikot rapat..
dumna rakyat geupeusahoe..
geucok hukom dalam kitab ..
kafe laknat taprang jinoe..

dalam hukom nibak kitam..
wajib jihad peuteuh nanggro..
kageuato dum pasukan..
geuyu jak cang si peukacoe..

bumoe atjeh peunteng beu aman..
hukom islam peudong nanggro..
laen bak nyan lon neuk kisah..
pahlawah gagah peutheun naggroe..

tgk.umar panglima prang..
cut nyak dien lheuh nyan inong sidroe..
keumala hayati armada laot..
gop nyan ngon boet jaga nanggroe..

cut nyak mutia ngon lintoe gopnyan..
dua badan saboh asoe..
na laen lom dum pujuang..
han abeh lon boh nan wahai ado..

dumnan saja lon calikan..
ngon peutheun prang jaga nanngroe..
meuseuna wate umu payang..
jan laen rakan sambong teuma..

kasep meumada lon boh kisah..
peureule beujeulah baca lom keudroe..
haba abeh warah matullah..
lon lake meuah bandum bak dreneuh nyoe..


betoi that rakana pu nyang tamariet
meu ubee pijet tan na cupa
nyang gata peugah memang lagee nyan
bak zameun nyoe chit ka nyata

cuma hai rakan mari ta beudoh
pu pu nyang jroeh mari tapuga
tapeuwoe reusam lagee bak asai
nak bek kanjai geutanyoe dumna

adat tapeubangket treusam ta jaga
oh na yg kanjai tatob beusigra
lagee bak asai laju tapeuwoe
mak mu nanggroe
meutuwah bangsa..

…………………___……………………

sira ta duk2 ta rawot awee..tacok keu hasee rizki y kana..
ada pih jioh bak tajak rawee..uteun deungon glee beu turi beda...

d bineh laot anoe dum dilee..bak bineh pante ureung poh cakra..
meuheut lam dada sampoe lam hate..rindu beukoen keuneuk eung gata..

karap dua thoe jumpa tan sampe..ka lhee goe pade tan tatap muka..
lee na leumah cit hasee ca'e..
lee na geusmpee bak doya maya..

………………………………_____.....................................

meuseu meuh hai dex goh ek uloen bloe..

mantong lam rantoe hai dex dalam ikula..

meuseu di gata hai dex ek na peugantoe..

rela uloen nyoe hai dex asai bahgia..



koen han loen cinta koen han loen sayang..

keu gata intan hai dex d banda..

han sampe hatee adex lon saayang..

taduk lam lajang ta preh loen gisa..



dari lhoknga hai dex tumboh ucalang..

tajak u medan pesawat kana..

bek sampe putoh tanyoe hubungan..

anggap lah kawan hai dex teman setia..



meuseu dalam glee tapula lawaang..

kamoe dalam blang meupula pade..

meuseu keu uloen hai dex beutoi ta sayang..

bek ta lupakan hai dex sampoe an-mtee..



gaseh han abeh hai dex cinta han leukang..

selama sayang tan dua hatee..

beuthat ta caroet bah muka masam..

loen jaga sayang bek troek bak hatee..



lam goh ta ek ue awai ta pandang..

bek teulah datang oh troek dalam gue..

meuseu gaseh keu uloen tuan..

bek sampe sikhan bah bandum lajue..



meuseu hana peugah jue rijang..

bek singoh datang dendam lam kalbu..

di loen han beungeh boh hate sayang..

demi keudroen nyan si-umu-umu..



bah ta-eu' jawa pabrek meukuran..

atjeh loen sayang yang paleng makmu..

bah that ramai laen ngon datang..

han hai sayang uloen tueng laju..



meuseu di lhoeng ureung pula drien..

ureung peh sikin leupah that karu..

meuseu di uloen singoh han mai lee tanging..

bek sampe neuking nibak sahibu..



tok-tok beeuragoe leupah that indah..

geuboh ngon babah busoe manila..

haba ka abeh warahmatullah..

loen lakee meuah dara loen cinta..

Komentar

  1. haaa..... bereh that goe......

    saleum silaturrahmi mntong bang beh..
    bek tuwoe neu langkah bak tempat lon sigoe2 adak pih beda jalan droe neuh blogspot.com lon mywapblog.com.... tpi kan hn salah cit untuk silaturrahmi sigoe2...

    visit http://acehgokil.mwb.im

    slam bogger Aceh, Merdeka....!!!

    BalasHapus

Posting Komentar

Postingan populer dari blog ini

Avast Internet Security 8 Pro + crack sampai 2015 download gratis & mudah